Við heimild í § 13 í løgtingslóg nr. 69 frá 28. mai 1980, um læraraútbúgving hevur Føroya Landsstýri fyrisett:
1. kapittul
Læraraútbúgvingin
§ 1. Útbúgvingin hevur til endamáls at búgva út lærarar til fólkaskúlan. Hon miðar eisini ímóti at leggja støði undir undirvísing í øðrum skúlaformum.
§ 2. Hvør einstakur lesandi velur sær sínar
grundútbúgvingargreinir og linjugreinir. Skal tann lesandi skifta lærugrein, eigur hann
at skifta í seinasta lagi 2 mánaðir eftir, at undirvísingin í lærugreinini er
byrjað. Í sambandi við linjugreinaval kann verða kravt, at tann lesandi hevur
neyðugar fortreytir.
Stk. 2. Landsskúlafyrisitingin kann í serstøkum førum loyva frávik frá settu
reglum í stk. 1.
§ 3. Landsskúlastjórin kann, eftir tilmæli rektarans, sleppa
lesandi undan eini ella fleiri lærugreinum, um so er, at tann lesandi hevur nomið sær
hesa útbúgving aðrastaðni.
Stk. 2. Á sama hátt kann lesandi sleppa heilt ella lutvíst undan
grundútbúgvingini og ítrótti, um lækni skjalprógvar, at hetta er neyðugt.
Stk. 3. Umsókn um undantøku verður saman við próvskjølum ella læknaváttan
send Landsskúlafyrisitingini.
Stk. 4. Frásøgn um undantøku verður skrivliga boðað tí lesandi og
rektaranum.
§ 4. Útbúgvingartíðin er 4 ár, og endar útbúgvingin við
lærarapróvtøku. Tey lesandi hava skyldu at fylgja undirvísingini, ið givin verður
samsvarandi útbúgvingarætlan skúlans.
Stk. 2. Roynd verður hildin í øllum lærugreinum, sum lesandi hevur havt, uttan
í praktiskum skúlayrki og sangi/tónleiki sum grundútbúgvingargrein. Í praktiskum
skúlayrki, sangi/tónleiki og ítrótti sum felagsgrein verða bert støðumet givin
(sbr. § 11, stk. 3 og 5 í lógini).
§ 5. Seinast í 1. útbúgvingarári tekur rektarin støðu til, um tey einstøku lesandi lúka treytirnar fyri at halda fram við útbúgvingini 2. útbúgvingarárið.
Í sambandi við avgerðina eigur rektarin at ansa eftir,
Stk. 2. Um so er, at lesandi, ið ikki lýkur treytirnar sambært
stk. 1 pkt. 1, biður um tað, kann nýggj avgerð verða tikin í august mánaði (smb.
§ 17, stk. 4). Í hesum føri verður bert roynd hildin í tí ella teimum
lærugrein/-um, har próvtalið til áður tikna roynd er minni enn 6. Um so er, at
lesandi hevur fingið minni enn 6 í fleiri lærugreinum, so kann hann sjálvur velja
ta/tær lærugrein/lærugreinir, hann skal til roynd í.
Stk. 3. Lesandi kann fylgja undirvísingini í fyrsta útbúgvingarári tvær
ferðir. Lesandi kann í mesta lagi taka 1. árs avgerð 3 ferðir, har tann eina ferðin
er endurinnmelding í august mánaði. Landsskúlastjórin kann tó í serligum føri geva
undantaksloyvi frá hesi reglu.
Stk. 4. Lesandi kann í lestrartíðini lesa 2. ella 3. útbúgvingarárið umaftur
eina ferð.
Stk. 5. Lesandi kann fáa játtað farloyvi frá rektaranum í mesta lagi 2 ár
tilsamans. Tó kann læraraskúlin ikki í tílíkum føri veita vissu fyri, at lesandi
kann fáa ávísa/somu linjugrein aftur.
2. kapittul
Undirvísingarkarmurin
§ 6. Undirvísingin á læraraskúlanum er skipað á tann hátt, at hon fevnir um 8 lestrarhálvur.
§ 7. Undirvísingartímatalið í allari útbúgvingini í teimum einstøku lærugreinunum er hetta:
Tímar íalt | árstímar | lestrarhálvutímar | ||
1) | Námsfrøði/undirvísingarlæra | 240 | 8 | 16 |
2) | Sálarfrøði | 180 | 6 | 12 |
3) | Samtíðar- og samfelagskunning | 90 | 3 | 6 |
4) | Námsfrøðilig sergrein | 270 | 9 | 18 |
5) | Praktiskt skúlayrki | 470 | ||
6) | Føroyskt | 240 | 8½ | 16 |
7) | Danskt | 120 | 4 | 8 |
8) | Rokning/støddfrøði | 150 | 5 | 10 |
9) | Skriving | 45 | 1½ | 3 |
10) | Kristnikunnleiki | 150 | 5 | 10 |
11) | Ítróttur | 180 | 6 | 12 |
12) | Tilevning | 120 | 4 | 8 |
13) | Sangur/tónleikur | 120 | 4 | 8 |
14) | Smíð | 120 | 4 | 8 |
15) | Handarbeiði | 120 | 4 | 8 |
16) | 1. linjugrein | 345 | 11½ | 23 |
17) | 2. linjugrein | 345 | 11½ | 23 |
18) | 3. linjugrein | 345 | 11½ | 23 |
Stk. 2. Undirvísingartímarnir liggja í skemavikum. Í hvørjari
lestrarhálvu eru 15 skemavikur.
Stk. 3. Landsskúlastjórin setur nærri reglur um, hvussu setta tímatalið í
praktiskum skúlayrki skal verða býtt.
Stk. 4. Umframt sjálvar undirvísingartímarnar kann hvør linjugrein og tann
námsfrøðiliga sergreinin hava í minsta lagi eina lestrarviku í allari útbúgvingini.
Stk. 5. Kanningarútferðir og lestrarferðir eiga helst at verða í egnum
lærugreinatímum, í skeiðsvikum ella eftir undirvísingartíðina.
Stk. 6. Hesar lærugreinir verða loknar eftir 1. útbúgvingarárið, og er
árliga tímatalið hetta:
Danskt | 120 tímar |
Rokning/støddfrøði | 150 tímar |
Skriving | 45 tímar |
Kristnikunnleiki | 150 tímar |
§ 8. Skeið og frílestur verða hildin, tá ið tørvur og
líkindi eru.
Stk. 2. Frílestur er tilboð, sum stendur øllum lesandi í boði við ávísum
vikutímatali eina árshálvu, men kann í serstøkum førum leingjast eina árshálvu
afturat. Landsskúlafyrisitingin skal í samráð við læraraskúlan áseta tey evni í
frílesing, ið kunnu standa teimum lesandi í boði.
Stk. 3. Skeiðini eru samanhangandi arbeiði við ávísum evnum í styttri ella
longri tíð og eru at skilja sum natúrligur táttur í almennu undirvísingini á
læraraskúlanum. Skeiðini verða fyriskipað á skúlanum í samstarvi ímillum
rektaran, lærararáðið og samstarvsnevndina. Samstarvsnevndin er ein innanhýsis nevnd
á læraraskúlanum við umboðum fyri lærarar og næmingar. Bæði lærarar og lesandi
kunnu koma við uppskotum um skeið.
Stk. 4. Landsskúlastjórin skal góðkenna skeið og frílesing.
§ 9. Landsskúlastjórin góðkennir linjugreinatalið fyri eitt
ella møguliga fleiri undirvísingarár í senn.
Stk. 2. Læraraskúlin býður undirvísing í teimum góðkendu linjugreinunum,
tó við fyrivarni viðvíkjandi reglunum í § 11, stk. 1, nr. 2 um miðalstøddina á
linjugreinabólkum.
§ 10. Undirvísingarárið er frá 1. august til 31. juli.
Stk. 2. Undirvísingarárið er býtt sundur í lestrarhálvur, skemavikur,
praktikkskeið og próvtøkuskeið. Landsskúlafyrisitingin kann góðkenna, at próvtøka
verður hildin í einstakari lærugrein ella lærugreinaparti fyri ella eftir settu
próvtøkutíðina.
Stk. 3. Rektarin ger hvørt ár eftir tilmæli frá lærararáðnum og
samstarvsnevndini lærugreina- og tímabýtisætlan skúlans.
Stk. 4. Landsskúlafyrisitingin skal góðkenna tær í stk. 2 og 3 nevndu
fyriskipanir.
Stk. 5. Um so er, at ein bólkur av teimum lesandi verður undirvístur av fleiri
lærarum í samarbeiði í eini lærugrein ella einum skeiði, so kann rektarin gera av,
hvør ið hevur ábyrgdina av at ráðleggja og samskipa undirvísingina í lærugreinini.
Tann, ið rektarin setur til hesa uppgávu, verður nevndur høvuðslærari.
§ 11.
1) Praktiskt skúlayrki:
Bólkar verða skipaðir í hesari stødd:Tímapraktikk 2-4 lesandi Tíðarskeiðspraktikk 1-4 lesandi 2) Linjugreinatalið fyri hvønn árgang sær ásetir Landsskúlafyrisitingin smb. § 9, stk. 1. Miðalstøddin á linjugreinunum skal ikki vera minni enn 3 næmingar. Ein bólkur kann ikki verða býttur sundur, uttan so er, at í minsta lagi 16 lesandi hava valt lærugreinina.
Stk. 2. Bólkarnir í sangi/tónleiki sum grundútbúgvingargrein
verða í meðal býttir sundur í bólkar við 5-6 lesandi í sambandi við undirvísing
í ljóðførisspæli. Í linjugreinini sangi/tónleiki verður givin einstaklings
undirvísing í sangi og í serstøkum føri eisini í raddarvenjing og
ljóðførisspæli. Næmingum kann standa í boði einstaklings undirvísing í sangi og
tónleiki.
Stk. 3. Landsskúlastjórin kann í serligum føri loyva frávik frá reglunum í
stk. 1 og 2.
Stk. 4. Rektarin sendir á hvørjum ári Landsskúlafyrisitingini frágreiðing um
bólkabýtið og grundarlag tess. Henda frágreiðing skal vera latin í seinasta lagi 1.
apríl.
3. kapittul
Vanligar reglur um undirvísingina
§ 12. Viðvíkjandi innihaldinum í teimum einstøku lærugreinunum
verður víst til rundskriv um lesiætlan læraraskúlans, ið er góðkend av
Landsskúlaráðnum.
Stk. 2. Í undirvísingini í øllum lærugreinum verður dentur lagdur á, at tey
lesandi fáa kunnleika um týdningarmiklar spurningar viðvíkjandi lærugreinarinnar
arbeiðshátti, frøðiheiti og hjálparamboðum, og at tey verða vand at orða
spurningarnar, arbeiða sjálvstøðugt við teimum, og at samskipa vitan og
arbeiðshættir frá ymiskum lærugreinum. Greitt verður frá endamáli lærugreinar í
læraraútbúgvingini, eins og evnisútval og arbeiðshættir verða umrødd. Í teimum
lærugreinum, ið somuleiðis eru lærugreinir í fólkaskúlanum, verður arbeitt við
fakdidaktiskum greiðslustøðum, herímillum eisini, hvussu lærugreinin kann fremja
almenna endamál skúlans, eins og umrøtt verður, á hvørjum fakligum metingarstøði
støðutakan um undirvísingartilfar til fólkaskúlan eigur at vera. (Í linjugreinunum
miðar undirvísingin ímóti øllum fólkaskúlanum og somuleiðis
frítíðarundirvísingini. Í hinum lærugreinunum verður víst á galdandi rundskriv um
lesiætlan fyri læraraskúlan).
§ 13. Endamál, innihald, evnisval og arbeiðshættir í tí
einstøku lærugreinini eiga at verða viðgjørd í øllum lærugreinunum sambært
reglunum um lesiætlan lærararskúlans. Lærarar og tey lesandi eiga í felag at gera
tær ítøkiligu undirvísingarætlanirnar, herímillum hvussu undirvísingarevnini til
hvørja lestrarhálvu skulu verða býtt. Samráðingar eiga somuleiðis at vera um,
hvussu undirvísingin í lestrarhálvuni eigur at verða løgd til rættis, og møguliga
um broytingar í ætlanum viðvíkjandi evnisvali, arbeiðsháttum, undirvísingartilfari
og evnisbýtinum í lestrarhálvuni. Eftir reglunum um endamál og innihald í
lærugreinini meta lærari og tey lesandi í felag um ta ætlan og skipan, ið nýtt hevur
verið.
Stk. 2. Viðvíkjandi lærugreinini praktiskum skúlayrki eigur tann í stk. 1
nevnda kunning, ráðlegging, skipan og meting at verða umrødd í praktikknevndini.
§ 14. Lærarin í teimum einstøku lærugreinunum leiðbeinir tey lesandi eftir áheitan teirra bæði viðvíkjandi sjálvstøðuga arbeiðinum við lærugreinini fyri og eftir undirvísingartímarnar herímillum møguliga við einum einstaklingsevni og við praktikkfyrireiking í lærugreinini og viðvíkjandi arbeiði teirra lesandi við einstaklingsevnum í øðrum lærugreinum, ið hava við lærugreinina at gera. Eru leiðbeiningartímar í lærugreinini, so eigur lærarin at vera tøkur hjá teimum lesandi hesar tímar.
4. kapittul
Próvtøkutilmelding
§ 15. Lesandi kann bert fara upp til próvtøku, um tey í reglunum
um tær einstøku lærugreinir nevndu arbeiði, frágreiðingar og sovorðið í seinasta
lagi 15. apríl í undirvísingarárinum eru latin læraranum. Í hvørjum einstøkum
føri setur rektarin eftir góðkenning landsskúlastjórans treytirnar at ganga um aftur.
Stk. 2. Lesandi kann ikki fara upp til próvtøku í lærugreinum, har ið treytað
er skrivlig næmingaframløga og/ella luttøka í ávísum kravdum undirvísingarevnum, um
rektarin innan 15. apríl próvtøkuárið frá viðkomandi lærara fær boð um, at tey
í reglunum um lærugreinina nevndu arbeiði, venjingar ella sovorðið ikki eru avrikað.
Stk. 3. Landsskúlastjórin kann í serstøkum føri gera undantøk frá stk. 2, og
hann kann loyva, at lesandi, ið ganga umaftur, heilt ella lutvíst sleppa undan
undirvísingini í tí ella teimum lærugreinum, ið tiknar verða umaftur.
5. kapittul
Vanligar reglur um próvtøku
§ 16. Viðvíkjandi próvtøku í teimum einstøku lærugreinunum
verður víst til rundskriv um lesiætlan læraraskúlans, ið er góðkend av
Landsskúlaráðnum. Landsskúlastjórin kann tó loyva, at skrivlig roynd verður hildin
í staðin fyri munnliga roynd í lærugrein, har annars bert er sett munnlig roynd, um
hildið verður, at skrivlig roynd er eins nýtilig og tann setta munnliga royndin til
tess at vísa støðu próvtakarans, og um annars grundir eru fyri at gera tílíka
broyting.
Stk. 2. Um ikki annað er ásett í lesiætlanini um ta einstøku lærugreinina, er
próvtøkusetningurin tann setningur, sum undirvísingin fevnir um, herímillum tað sum
lesandi sjálvstøðugt hevur ognað sær, undantikið tey arbeiði, o.a., har váttan
verður løgd fram (smb. § 15, stk. 1). Próvtøkusetningurin skal verða latin
Landsskúlafyrisitingini í seinastu lagi 1. mai í próvtøkuárinum. Tann einstaki
lærarin ger í samráð við tey lesandi frágreiðingina um próvtøkusetningin.
Stk. 3. Landsskúlastjórin ásetur gjøllari reglur um próvtøkuhaldið,
herímillum fráboðanina millum lærara og próvdómara, um fráboðanir til
Landsskúlafyrisitingina, og um óreglusemi hevur verið, tá ið tær skrivligu og
verkligu royndirnar vóru.
Stk. 4. Landsskúlastjórin kann undir serstøkum umstøðum víkja frá reglunum
um próvtøkusetning og próvtøkuform hjá tí einstaka próvtakaranum.
§ 17. Próvtøkuskeiðið er mai-juni.
Stk. 2. Lesandi, ið eiga at fara upp til próvtøku í donskum, skriving,
rokning/støddfrøði og kristnikunnleika í próvtøkuskeiðinum, og sum vegna barnsburð
ella sjúku, ið lækni hevur skjalprógvað, ikki hava fullført próvtøkuna, fara til
sjúkrapróvtøku. Próvtøkan fevnir um allar royndir í tí ella teimum lærugreinum,
sum tann lesandi ikki hevur fullført próvtøku í.
Stk. 3. Lesandi, ið vegna barnsburð ella sjúku, ið lækni hevur skjalprógvað,
hava verið forðað at fullført próvtøkuna í eini ella fleiri lærugreinum enn
teimum, sum nevndar eru í stk. 2, tá ið undirvísing í lærugreinini er endað, kunnu
við góðkenning landsskúlastjórans fara til sjúkrapróvtøku eftir tað regluliga
próvtøkuskeiðið.
Stk. 4. Eykapróvtøka eftir § 17, stk. 2 og 3 verður hildin í august.
§ 18. Landsskúlastjórin tilnevnir próvdómarar.
Stk. 2. Rektarin skipar fyri, at royndirnar verða hildnar samsvarandi reglunum og
teimum fyriskipanum, ið landsskúlastjórin hevur gjørt.
Skrivligar og verkligar royndir
§ 19. Er próvtøkan í eini lærugrein skrivlig, ger
landsskúlastjórin uppgávurnar. Er skrivliga royndin í eini lærugrein í staðin fyri
munnlig roynd eftir § 16, stk. 1 ger lærarin uppgávurnar. Hevur ein bólkur havt fleiri
lærarar í eini lærugrein, ger høvuðslærarin eftir samráðingar við hinar
lærararnar tær uppgávur, sum lærarin í lærugreinini skal gera.
Stk. 2. Tær uppgávur, ið landsskúlastjórin letur gera, eru felags fyri allar
próvtakarar. Uppgávur, ið lærarin ger, eru felags fyri bólkin, uttan so er, at annað
stendst av reglunum í lesiætlanini.
Stk. 3. Landsskúlastjórin tilnevnir fyri 3 ár í senn uppgávunevndir at gera
uppskot til skrivligu uppgávurnar.
Stk. 4. Próvdómarin skal góðkenna tær uppgávur, ið lærarin ger. Læraranum
er loyvt at samráðast við próvdómaran um at góðkenna uppgávurnar, áðrenn
próvdómarin tekur endaliga avgerð. Tá ið próvtøkan er lokin, hevur rektarin tær í
varðveitslu sambært stk. 6.
Stk. 5. Sum part av uppgávuorðingini tekur landsskúlastjórin, ávikavist
lærarin við próvdómarans góðkenning, støðu til, hvørji hjálparamboð
próvtakarin kann brúka til ta einstøku royndina. Umsjón er, meðan royndin er.
Stk. 6. Tá ið próvtøkan er lokin, hevur rektarin uppgávurnar í varðveitslu.
Tá ið próvtøkan er lokin, kunnu teir próvtakarar, ið biðja um tað, fáa svar og
avrik síni útflýggjað. Landsskúlastjórin kann gera av, at ávís avrik verða latin
fyrr. Avrik, ið ikki verða latin aftur, kunnu verða burturbeind eina lestrarhálvu
eftir, at útbúgvingin er lokin.
Munnligar royndir og royndir, ið eru verkligar og munnligar.
§ 20. Lærarin í viðkomandi lærugrein sendir próvdómaranum
yvirlit yvir undirvísingarinnihaldið í seinasta lagi 3 vikur, áðrenn próvtøkan
byrjar.
Stk. 2. Lærarin ger próvtøkuspurningarnar. Spurningarnir skulu vera
fjølbroyttir samsvarandi próvtøkusetninginum. Próvdómarin skal góðkenna
spurningarnar. Lærari og próvdómari kunnu samráðast um próvtøkuspurningarnar,
áðrenn próvdómarin tekur endaliga avgerð. Fyrireiking, framløga, yvirhoyring og
orðaskifti eiga at vera sama dag, og fyrireikingartíðin eigur bert í heilt serstøkum
føri at vara longri enn 4 tímar. Samstundis, sum spurningarnir verða gjørdir, verður
støða tikin til, um próvtakarin kann brúka hjálparamboð, tá ið hann fyrireikar
seg, og um so er, hvørji hjálpiamboð hann tá kann brúka.
Stk. 3. Spurningarnir verða givnir próvtakaranum við lutakasti, uttan so, at
teir skulu verða hoyrdir í einum einstaklingsevni ella í lisnum einstaklingssetningi.
Er fyrireiking, er hon undir umsjón, uttan so er, at annað er ásett í reglunum um tær
einstøku lærugreinirnar í lesiætlanini.
Stk. 4. Lesandi, ið hava framt eitt samlestrarlag, sum lærarin hevur góðkent,
kunnu í hesum lærugrein/-um fara beinleiðis til roynd, sum byggir á eitt
arbeiðsúrslit. Royndin kann verða hildin sum bólkapróvtøka, um so er, at tann
lesandi hevur avrikað arbeiðsúrslitið sum bólkarbeiði. Landsskúlastjórin setur
gjøllari reglur hesum viðvíkjandi.
Stk. 5. Lesandi kunnu í lærugrein/-um ella lærugreinapørtum, har royndin byggir
á eitt arbeiðsúrslit, somuleiðis fara til bólkpróvtøku, um so er, at tann lesandi
hevur avrikað arbeiðsúrslitið sum bólkarbeiði. Landsskúlastjórin ásetur gjøllari
reglur hesum viðvíkjandi.
Stk. 6. Landsskúlastjórin kann eftir umsókn frá læraraskúlanum loyva, at
próvtøkan í tveimum ella fleiri lærugreinum, har royndin byggir á eitt
arbeiðsúrslit, verður hildin sum ein próvtøka. Próvtøkan verður hildin sum
bólkpróvtøka, um so er, at tann lesandi hevur avrikað arbeiðsúrslitið sum
bólkarbeiði.
Stk. 7. Undir próvtøkuni er lærarin tann, ið skipar fyri. Próvtøkan eigur
mest møguligt at vera ein samrøða millum lærara og próvtakara, har próvdómarin kann
vera uppií. Tilfar, ið kann vera nágreiniligari váttan um arbeiðið hjá tí lesandi
við lærugreinini, kann takast upp í yvirhoyringina. Próvdómari og lærari eru
einsamallir undir próvtalsgevingini, samanber tó stk. 7. Tá ið próvtalsgevingin er
liðug, er tí lesandi loyvt at fáa eina stutta, munnliga grundgeving fyri próvtalinum.
Stk. 8. Um so er, at ein bólkur hevur havt fleiri lærarar í eini lærugrein, so
hevur høvuðslærarin ábyrgdina av lærarans virki eftir stk. 1 og 2. Um so er, at annar
lærari yvirhoyrir, so er høvuðslærarin hjástaddur, meðan yvirhoyrt verður, og
próvtalið verður givið.
Stk. 9. Tær munnligu royndirnar eru almennar.
6. kapittul
Treytir fyri at standa próvtøkuna (próvtalsgevingin)
§ 21. Próvtøl verða givin í teimum einstøku lærugreinunum,
sum nevndar eru í rundskrivi um lesiætlan læraraskúlans. Samsvarandi hesum verður
próvtalsgevingin annaðhvørt eftir 13 próvtalsstiganum ella við royndarmetinum
staðið/ikki staðið. Í bólkpróvtøku verður einstaklings próvtal givið.
Stk. 2. (Avtikin við K. nr. 59 frá 13.05.1997)
Stk. 3. Um so er, at ein bólkur av lesandi hevur havt fleiri lærarar í eini
lærugrein, og hevur ein annar lærari enn høvuðslærarin yvirhoyrt til munnligu
royndina, so er høvuðslærarin við í samráðingunum um lærarapróvtalið. Er ósemja
læraranna millum, ásetur høvuðslærarin lærarapróvtalið.
Stk. 4. (Avtikin við K. nr. 59 frá 13.05.1997)
§ 22. Fyri at standa lærarapróvtøkuna krevst:
1. at miðalpróvtalið av øllum próvtøkunum er ikki lægri enn 6,
2. at tann lesandi hevur lokið útbúgvingina í teimum lægrugreinum, har metingarstigið staðið/ikki staðið verður nýtt,
3. at próvtalið í námsfrøði/undirvísingarlæru og linjugreinunum er ikki lægri enn 6,
4. at einki próvtal annars er lægri enn 5 og
5. at praktiska skúlayrkið er fullført, og støðumetið staðið er givið.
Stk. 2. Um so er, at lesandi hevur verið til endaliga roynd meira
enn eina ferð í somu lærugrein, so er tað hægra próvtalið galdandi.
Stk. 3. Rektarin ansar eftir, um lesandi hevur staðið lærarapróvtøkuna.
7. kapittul
Próvbók o.a. Prógv
§ 23. Rektarin skrivar próvbók, har hvør lesandi hevur sítt
blað. Á próvbókarblaðnum hjá tí lesandi skulu standa dagfestingar hansara, valdar
grundútbúgvingargreinir, linjugreinir, onnur skeið ella lesiringar, sum tann lesandi
hevur verið við í, meting um støðuna í praktiskum skúlayrki, árs- og
royndarpróvtøl í lærugreinunum, undantøk og undantaksloyvi smb. § 3.
Stk. 2. Eftir lokna lærarapróvtøku verða makaskjøl av próvbókarbløðunum
send Landsskúlafyrisitingini.
Stk. 3. Flytur tann lesandi í annan læraraskúla, sendir rektarin skúlanum
próvbókarblaðið.
Stk. 4. Landsskúlastjórin ger av, hvussu próvbók og próvbókarblað skulu
verða tilevnað.
§ 24. Lesandi, ið hava staðið lærarapróvtøkuna, fáa eitt
prógv.
Stk. 2. Í próvnum skal standa:
1. Dagfestingar hins lesandi og próvtøkuárið.
2. Meting í praktiskum skúlayrki.
3. Støðumet og próvtøkuúrslit í hvørji einstakari lærugrein, smb. § 22.
4. Hvørjar linjugreinir hin lesandi hevur havt og hvørjar grundútbúgvingargreinir.
5. Hvørji eykaprógv hin lesandi hevur tikið.
6. Hjá lesandi, ið hava havt alisfrøði og evnafrøði, próvtalið í alisfrøði og próvtalið í evnafrøði.
7. Undantøku frá lærugreinum sbr. § 2, stk. 2. Undantøkugrundirnar verða ikki nevndar.
8. Undantøka frá lærugreinum eftir § 3, stk. 1. Sagt verður frá, hvør próvtøka ella undirvísing, ið er orsøk til undantøkuna.
9. Frávik í útbúgvingini sbr. § 25.
Aðrar viðmerkingar kunnu ikki verða tiknar við.
Stk. 3. Próvskjalið verður sett upp eftir próvtøkublaðnum hjá tí lesandi og
undirskrivað av rektaranum.
Stk. 4. Landsskúlafyrisitingin ger oyðubløð til próvskjalið.
8. kapittul
Royndarskipanir
§ 25. Landsskúlaráðið kann loyva fyribils frávik, sum eru neyðug til tess at fremja royndarvirksemi og námsfrøðiligt menningararbeiði. Loyvið kann bara byggja á eina fullfíggjaða royndarætlan, sum lærararáð og samstarvsnevnd læraraskúlans viðmæla, og har endamál royndarinnar og ætlaða royndartíðin eru tilskilað. Frágreiðing um royndarúrslitið verður send Landsskúlafyrisitingini.
9. kapittul
Gildistreytir o.a.
§ 26. Henda kunngerð fær gildi frá og við skúlaárinum
1991/92. Tó kemur § 22, stk. 1, nr. 1, 3 og 4 ikki í gildi fyri lesandi, ið taka
prógv í 1992, 1993 og 1994.
Stk. 2. Landsskúlastjórin kann í serstøkum føri góðkenna neyðug frávik
frá kunngerðini fyri lesandi, ið hava byrjað útbúgvingina, áðrenn henda kunngerð
kom í gildi.
§ 27. Henda kunngerð kemur í gildi dagin eftir, at hon er kunngjørd.