§ 1. Landskassin letur studning til frama fyri húsdýraalingina og húsdýrahaldið v.m.:
A. Til keyp og fóðurs av góðum tarvum og greðingum.
B. Til rakstur av insemineringarstøð.
C. Til premieringar av alidýrum, tilskilað á dýraframsýningum ella á annan hóskiligan hátt.
D. Til onnur endamál húsdýrahaldinum til frama.
E. til varðveitslu ella nøringar av fuglinum í haga og bjørgum.
§ 2. Studningarnir eftir § 1 verða veittir til viðkomandi endamál eftir reglum, sum landsstýrið fyrisetur í reglugerð.
§ 3. Henda lóg kemur í gildi 1. apríl 1961, og samstundis fara "midlertidige bestemmelser nr. 66 frá 30. december 1941 om foranstaltninger til husdyravlens og husdyrbrugets fremme m.v." úr gildi.